Member ၀င်ရန်.............

Monday, April 30, 2012

အပြာရောင်ချစ်သူ မေးသမျှ မမချောချော ပြန်ဖြေသည်



ရွှေမြန်မာဥယျာဉ်မှ မန်ဘာ မိသားစုဝင်အားလုံး မင်္ဂလာပါခင်ဗျာ..............
.ရွှေမြန်မာဥယျာဉ်အတွက် ခုတစ်ခါအင်တာဗျူးဖို့ အလှည့်ကျလာတာကတော့
ကျွန်တော် အပြာရောင်ချစ်သူပါ ။ ကျွန်တော် ဘယ်သူ ကို ဗျူးရမလဲလို့ လိုက်ရှာလိုက်တော့
ဥယျာဉ်ယျာဉ်ထဲမှာ မိသားစု စိတ်အပြည့်နဲ့ လှုပ်ရှားမှုတွေ တော်တော်များကို ဆောင်ရွက်ပေးနေတဲ့ ခန့်ခန့်ချောချော
အမတစ်ယောက်ကို သွားတွေ့တယ်ဗျ..........အလုပ်တွေ တနေကုန်မအားလဲ အလုပ်က ပြန်တာနဲ့ မောရပမ်းရ
နားရမှန်းမသိအောင် ဆိုဒ်ကို အသစ်ဝင်တဲ့ မန်ဘာတွေကို ကြိုပေးနေရှာတဲ့ ခန့်2ချော2 မမကြီး မချောချောကို
အင်တာဗျူး လုပ်ဖို့ ဆုံးဖြတ်လိုက်ပါတယ် ခင်ဗျာ................
*****************************

မမရေ မင်္ဂလာပါ ..........မမကို ရွှေမြန်မာဥယျာဉ်လေးအတွက် အင်တာဗျူးလုပ်ချင်လို့ပါ ။
ပထမဆုံး မေးချင်တာလေးကတော့ မမ နာမည် အရင်းလေးနဲ့ ခုလက်ရှိ မမ နေနေတဲ့ နေရာလေးကို ပြောပြပေးနော်..........
နာမည်ရင်းက အိအိချောပါ၊ ရွှေထဲဝင်တော့ အစ်မကြီးတွေ ချစ်စနိုးနဲ့ ခေါ်တဲ့ ချောချောဆိုတဲ့
နာမည်လေးကို သဘောကျလို့ ပေးခဲ့တာပါ။
.မမရဲ့ ဘ၀မှာ ခက်ခက်ခဲခဲနဲ့  ကိုယ့်ကိုယ်ကို ကြိုးစား ရုန်းကန်ခဲ့ရတဲ့ အရာ လေးတွေများ ရှိသလားဆိုတာလဲ သိပါရစေ၊ ရှိတယ်ဆိုရင်လဲ ဘယ်လိုများရုန်းကန်ခဲ့ရ သလဲ ဆိုတာကိုလဲ ရွှေမြန်မာဥယျာဉ် သားများကို ပညာလေးပေးပေးပါဦးလို့ ..
ဘ၀မှာ ပြောပြရလောက်တဲ့ အခက်ခဲဆိုတာမျိုး မရှိခဲ့ပါဘူး၊ ဒါကလဲ သူတပါးအပေါ်ထားတဲ့
စေသနာရဲ့ အကျိုးကျေးဇူးတွေ လို့ဘဲ မြင်ပါတယ်။ အဆင်မပြေရင်လဲ ခဏပါဘဲ၊
အဆင်ပြေ သွားပါတယ်။

လူငယ် တစ်ယောက်အနေနဲ့  လောကမှာ၊ လောက လူ့ ဘုံအလယ် လှုပ်ရှားနေတဲ့ နေရာမှာ လူမျိုးပေါင်းစုံ၊ ဘာသာပေါင်းစုံ ၊ ယဉ်ကျေးမှုပေါင်းစုံ ၊ အဲ့လိုမျိုး ကြားထဲမှာ မမ အနေနဲ့ အားလုံးနဲ့  သင့်တင့် လျှောက်ပတ်အောင် ဘယ်လိုများ လက်ကိုင် ထားပြီးတော့ ရှင်သန်လဲဆိုတာလဲ သိပါရ စေ။
မချော လူတော်တော်များများနဲ့ အဆင်ပြေအောင်ပေါင်းပါတယ်၊ သူများကောင်းသည်ဖြစ်စေ
မကောင်းသည်ဖြစ်စေ ကိုယ်ကကောင်းအောင်နေမယ်ဆိုတဲ့ စိတ်ဘဲထားပါတယ်၊ အတတ်နိုင်ဆုံး
ကူညီပေးပါတယ်။ ကိုယ်ရေးတဲ့ ကိုယ်သမိုင်းကို ကောင်းတာတွေဘဲေ၇းချင်တယ်၊ ကျန်တာတော့
ကံတရားအတိုင်းပေါ့။
အခုဆိုလို့ ရှိရင် ဒီအင်တာနက်လဲ တော်တော်လေးကို ကျယ်ကျယ်ပြန့် ပြန့်ရှိ လာပြီ၊ အခုခေတ်အခေါ် ဆိုလို့ ရှိရင် IT ခေတ်၊ ဒီ IT ခေတ်နဲ့  လူငယ်တွေနဲ့  ဆက်စပ်မှုကို လူငယ်တစ်ယောက် အနေနဲ့  ဘယ်လိုများ မြင်သလဲဆိုတာကို သိပါရစေ။
ဒီဘက်ခေတ်က အချိန်တိုလေးအတွင်းမှာ အရမ်းကိုတိုးတတ်လာတော့ ကိုယ်တိုင်တောင်
နောက်မကျအောင် မနည်းလိုက်နေရတဲ့ ခေတ်ပါဘဲ၊ တတ်ထားတဲ့ပညာကို ကိုယ်ပိုင်အသိညဏ်နဲ့
ယှဉ်တွဲပြီး အသုံးချနိုင်ရင် အကောင်းဆုံးဖြစ်မှာပါ။
မမရဲ့ မွေးရပ်ဇာတိက ..
ရန်ကုန်၊ မင်္ဂလာဒုံကပါ။

.ရွှေမြန်မာ ဥယျာဉ်ထဲကို ဘယ်ချိန်လောက်က စပြီးဝင်ရောက်ခဲ့လဲ ဆိုတာလဲ သိပါရစေ။
၂၃ရက် မေလ ၂၀၁၁ ပါ။
စိတ်ဓါတ်ကျတယ်ဆိုတာတော့ လူတိုင်းမှာ ဖြစ်ကြတာပဲ ခင်ဗျ။ မမကော စိတ်ဓာတ်ကျတဲ့ အချိန်ဆို ကိုယ်ကို ဘယ်လို အားပေးလဲ မမ။
စိတ်ဓာတ်ကျလောက်အောင်တော့ မဖြစ်ဖူးပါဘူး၊ စိတ်အရမ်းညစ်ခဲ့ဖူးတယ် ဒါပေမဲ့ ခဏဘဲ
အသိစိတ်ပြန်ဝင်လို့ သတိရတဲ့အချိန်မှာ စိတ်အမြန်ဆုံးပြောင်းတဲ့ နည်းကိုဘဲအမြဲသုံးပါတယ်။
နောက်ဆုံးတော့ စိတ်ညစ်အောင်လုပ်တာ ကိုယ်ကိုတိုင်ဘဲ ဆိုတာသိလိုက်ရတယ်လေ၊ ဒါကြောင့် ကိုယ့်ဒုက္ခကိုယ်ရှာနေမှန်းသိလို စိတ်ညစ်တာတွေ အကြာကြီးမထားတော့ဘူး။
မမ ကျွန်တော်တို့ ဥယျာဉ်လေးကို အကြံပေးချင်တာလေးများ ရှိရင် ပြောပြပါအုံးနော်...............။
အကြံပေးနိုင်လောက်တဲ့ အထိမချောဘက်က မပြည့်စုံသေးတာကို တောင်းပန်ပါတယ်၊
သူငယ်ချင်းတွေ အားလုံးက သင်ဆရာ၊ မြင်ဆရာတွေပါ။ စပြီးဝင်ရောက်လာထဲက
ဘယ်ကိုမှ မသွားနိုင်တဲ့ အချက်က ရွှေမြန်မာရဲ့ ဆွဲဆောင်မှု့တခုပါဘဲ၊ဥယျာဉ်ကြီး ရှင်သန်ဖို့
အတွက် အားလုံးက တတ်ညီလက်ညီ ကြိုးစားနေတဲ့ အချိန်မှာ တထောင့်တနေရာက ပါဝင်ခွင့်
ရနေတာကို ကျေနပ်ပျော်ရွှင်မိပါတယ်။
မမရဲ့ ဘ၀ရှေ့ရေး အတွက် ပုံဖော်ထားတာလေး သိခွင့်ရမယ်ဆိုရင်ပြောပေးပါလား ခင်ဗျာ။
ဘ၀အတွက်ကတော့ လိုချင်တဲ့ ဆန္ဒရယ်လို့ မရှိတော့ပါဘူး၊လောလောဆယ် အဖြစ်ချင်ဆုံး
ကတော့ စိတ်ထဲမှာဆန္ဒရှိ်တဲ့ အတိုင်း မပူပင်ရဘဲ လှူနိုင်တဲ့ ဘ၀မျိူးကို လိုချင်မိတယ်။
မမတင်တဲ့ပို့စ်လေးတွေ ထူးထူးခြားခြားပုံလေးတွေ တွေ့ရတတ်တယ်နော်၊ ဘယ်လိုမျိူးလေး
ဖန်တီးထားတယ်ဆိုတာလေး သိချင်ပါတယ်။
မချောက ပုံလေးတွေ ရှာရတာ ပျော်တယ်။သူများတွေထက် ထူးခြားချင်တာကြောင့် ကိုယ်တိုင်ဘဲ
ရှာထားတာတွေပါ။ နိုင်ငံခြားဝက်ဆိုဒ်တွေ သွားတယ် တခုသဘောကျရင် ဂူဂဲလ်ထဲကနေ ပုံတွေ
များအောင် ပြန်ရှာရပါတယ်၊ ပင်ပင်ပန်းပန်းကြိုးစားထားတာတွေ ကွန်မန်းလေးတွေဖတ်၇င်း ကြိုက်ကြတယ်ဆိုရင် အမောပြေပါတယ်။
.နောက်ဆုံး မေးခွန်းလေးအနေနဲ့ ရွှေမြန်မာဥယျာဉ်က မမ သူငယ်ချင်းတွေ အတွက် စကားလက်ဆောင်လေး ။
ဥယျဉ်ထဲက သူငယ်ချင်းတွေ အားလုံးက စိတ်တူကိုယ်တူ သူငယ်ချင်းတွေပါဘဲ၊
ဘယ်နေရာမှာ ဘာတွေလုပ်လုပ် ကိုယ်ချင်းစာတဲ့ စိတ်လေးထားပေးပါလို့ စကားလက်ဆောင် လေးပါးချင်ပါတယ်ရှင်။
.ခုလို ကျွန်တော် မေးမြန်းစပ်စုတာလေးတွေကို စိတ်ရှည်ရှည်ဖြေပေးတဲ့ မမကို အထူးကျေးဇူးတင်ပါတယ် မမ။
ဟုတ်ကဲ့ပါ။ ဥယျဉ်မှူးလေးမှစပြီး မန်ဘာဝင်အားလုံးကို ကျေးဇူးတင်ပါတယ်ရှင်၊ သူငယ်ချင်း
အားလုံးပျော်ရွှင်ချမ်းမြေ့သော ဘ၀လေးတွေ ပိုင်ဆိုင်ပါစေလို့ ဆုတောင်းပေးပါတယ်ရှင်။

ကျွန်တော်ရဲ့ အင်တာဗျူး အစီစဉ်လေးကို ဒီမှာဘဲ ရပ်နားခွင့်ပြုပါခင်ဗျာ........နောက်တစ်ပတ်မှာ
ဘယ်သူက မေးပြီး .......ဘယ်သူများ ပြန်ဖြေမယ်ဆိုတာကို စောင့်မျှော်အားပေးကြပါအုံးနော်

အပြာရောင်ချစ်သူ


Reactions:

0 comments:

Post a Comment