Member ၀င်ရန်.............

Saturday, May 19, 2012

မေတ္တာစွမ်းအင် ကြီးမားပုံအကျိုးကို ဘုရားရှင်က အဆင့်ဘယ်လိုခွဲခြား ဟောကြားခဲ့သလဲ



မေတ္တာစွမ်းအင် ကြီးမားပုံအကျိုးကို ဘုရားရှင်က အဆင့်ဘယ်လိုခွဲခြား ဟောကြားခဲ့သလဲ သည်ကမ္ဘာလောကကြီး၌ စွမ်းအားအထက်မြက်ဆုံးတရားကို ပြပါဆိုလျှင် မေတ္တာတရားကိုသာ ပြရပေလိမ့်မည်။ သတ္တဝါဝေနေယျ အပေါင်းကို မဟာမေတ္တာဂရုဏာ ကြီးမားစွာ ဖြန့်ကြလျှက်ရှိသော မြတ်စွာဘုရားရှင်က မေတ္တာစွမ်းအင်း ကြီးမားပုံကို အဆင့် ( ၁၀ ) ဆင့် ခွဲခြားလျှက် အောက်ပါအတိုင်း ဟောကြားတော်မူခဲ့ပါသည် ။ ၁။ ထမင်းရည်ချောင်းစီးအောင် လှူဒါန်းခဲ့သော ဘုရားအလောင်း ဝေလာမပဏ္ဏားကြီး၏ အလှူဒါန မျိုးထက် သောတပန်တစ်ဦးကို လှူဒါန်းရခြင်းက သာလွန်၍ အကျိုးကြီးမား၏ ။ ၂။ သောတာပန် ( ၁၀၀ ) ကို လှူရခြင်းထက် သကဒါဂါမ် တစ်ဦးကို လှူရခြင်းက သာလွန်၍ အကျိုး ကြီးမာ၏။ ၃။ သကဒါဂါမ် (၁၀၀ ) ကိုလှူရခြင်းထက် အနာဂါမ် တစ်ဦးကို လှူရခြင်းက သာလွန်၍ အကျိုးကြီးမာ၏ ။ ၄။ အနာဂါမ် ( ၁၀၀ ) ကို လှူရခြင်းထက် ရဟန္တာတစ်ပါးကို လှူရခြင်းက သာလွန်၍ အကျိုးကြီးမား၏ ။ ၅။ ရဟန္တာ (၁၀၀ ) ကို လှူရခြင်းထက် ပစ္စေကဗုဒ္ဓါတစ်ပါးကို လှူရခြင်းက သာလွန်၍ အကျိုးကြီးမား၏ ။ ၆။ ပစ္စေကဗုဒ္ဓါ အဆူ ( ၁၀၀ ) ကို လှူရခြင်းထက် သမ္မာသမ္ဗုဒ္ဓ ဘုရားတစ်ဆူကို လှူရခြင်းက သာလွန်၍ အကျိုးကြီးမား၏ ။ ၇။ သမ္မာသမ္ဗုဒ္ဓဘုရားတစ်ဆူကို လှူရခြင်းထက် ဘုရားအမှူးပြုသော သံဃာတော်များကို လှူရခြင်းက သာလွန်၍ အကျိုးကြီးမား၏။ ၈။ ဘုရားအမှူးပြုသော သံဃာတော်များကို လှူရခြင်းထက် စတုဒိသာ သံဃာတော်ကို ရည်စူး၍ ကျောင်းဆောက်လှူရခြင်းက သာလွန်၍ အကျိုးကြီးမား၏ ။ ၉။ စတုဒိသာ သံဃာတော်ကို ရည်စား၍ ကျောင်းဆောက်လှူရခြင်းထက် သရဏဂုံသုံးပါးကို ဆောက်တည်ခြင်း ၊ ငါးပါးသီလသိက္ခာပုဒ်ကို စောင့်ထိန်းခြင်းက သာလွန်၍ အကျိုးကြီးမာ၏ ။ ၁၀။ သရဏဂုံ ဆောက်တည်ခြင်း နှင့် ငါးပါးသီလ စောင့်ထိန်းခြင်းထက် နံ့သာတစ်ရှူခန့်မျှ အချိန်ပိုင်းလောက် မေတ္တာပွားများခြင်းက သာလွန်၍ အကျိုးကြီးမား၏ ။ သို့ ဖြစ်ပေရာ ဗုဒ္ဓဘာသာဝင် သူတော်စင်များအနေဖြင့် မေတ္တာစွမ်းအင်အကျိုးကို သိရှိနားလည်ပြီး မေတ္တာဓါတ် ကိန်းအောင်းကာ ဝိပဿနာတရားများကို အားထုတ်သင့်ပေကြောင်း ဗုဒ္ဓဟောကြားခဲ့သော အချက်အက်များဖြင့် တင်ပြရင်း နှိုးဆော်လိုက်ရပါသည် ။ 


Reactions:

0 comments:

Post a Comment