Member ၀င်ရန်.............

Saturday, May 12, 2012

*ဆင်ခြင်သိမှတ်ဖွယ်ရာဓမ္မလင်္ကာ*

ရှည်လျားလှသော သံသရာခရီးတွင် ရခဲလှစွာသော တိုတောင်းလှစွာသော လူ့ဘ၀တွင် လောဘ၊ဒေါသ၊ မောဟတွေ ဖုံးလွမ်းပြီး ကာမဂုဏ်အာရုံထဲတွင် နစ်မျောနေကြသော ပုထုဇဉ်လူသားတို့အတွက် လယ်တီ ဆရာတော်၊ မန်လည်ဆရာတော်နှင့် အမရပူရမြို့၊မဟာဂန္ဓာရုံဆရာတော်ကြီးသုံးပါးက သတိတရားရစေရန် ရည်ရွယ်၍ ကြိုးစားရေးဖွဲ့ထားသော ဆုံးမစာ(၃) ခုကိုဖော်ပြလိုက်ပါသည်။
“ငါးအာရုံဘင်အစု၊ ခင်မှုနဲ့နေ့ကုန်
နင်ယခုမေ့ပုံလို၊ တွေ့မကြုံစခန်း
ပါယ်လေးဝ သောကဘုံမှာ
မျောရရုံရှိတော့မခန်း
အောက်ဝီစိသောင်းအငူမှာ
ခေါင်းမပြူစတမ်း
နှစ်အရှည်နစ်မည့်လမ်းကိုလ
နင်မျှော်စမ်း နင့်ကိုယ်
ဒေသနာထင် အလင်းရယ်နှင့်
နင်အဖျင်းပိုထက်သာပို
သည်လောဘစရိုက်အိုကို
မလိုက်လိုရှောင်ပစ်လို့
နောင်အသစ်တကယ်ပြင်လျှင်
ကောင်းဖို့အစဉ်
ခွင့်သာခိုက်မှ မလိုင်ချင်လျှင်
အလွဲနင့်ပြင် ရှိသေးလေလိမ့်လား
ခွင့်သာဆဲကမှ မခဲချင်လျှင်
အလွဲနင့်ပြင် ရှိသေးလေလိမ့်လား
ခွင့်သာတုန်းမှာ မရုန်းချင်လျှင်
အရှုံးနင့်ပြင် ရှိသေးလေလိမ့်လား”
(လယ်တီဆရာတော်)
“ကျီးနက်မိုက်ခေါင်၊ ဆင်သေကောင်ထက်၊ သောင်ကိုမလှမ်း၊
ကမ်းကိုမသက်၊ အပုပ်မက်၍၊ စီးလျက်စားကာ၊ လိုက်လေပါက၊
သမုဒ္ဒရာရောက်ဆိုက်၊ လှိုင်းဝဲရိုက်၍၊ ရေ၌မွန်းနစ်၊ ငါးစာဖြစ်သို့၊
စင်စစ်မှတ်ဆောင်၊ လူတို့ဘောင်ဝယ်၊ အိမ်ထောင်ဝဋ္ဋ်ထဲ၊ သေအောင်စွဲ၍
အမြဲနေငြား၊ သားမယားနှင့်၊ ခံစားကာမ၊ လူထိုမျှကို
ကာကပညာ၊ ကျီးပမာဟု၊ မဟာဝိသုဒ်၊ မြတ်သမ္ဗုတို့၊ ရွေနှုတ်လှစ်ချွေ၊ဟောခဲ့ပေ၏”
(မန်လည်ဆရာတော်)
“ခရီးကရှည်၊ အရူးတွေ
စားရေးကသိုး၊ အဖော်ကဆိုးသနဲ့
အမျိုးမျိုး ကာမဂုဏ်၊
အာရုံတွေအလွန် နှောက်တာကြောင့်
အပါယ်ဘုံ အခါခါရောက်သော်လည်း
လွတ်မြောက်ဖို့ဝေး”
(အမရပူရမြို့၊မဟာဂန္ဓာရုံဆရာတော်)
အားလုံးကိုယ်စိတ်နှစ်ဖြာကျန်းမာချမ်းသာကြပါစေ။

Reactions:

0 comments:

Post a Comment