Member ၀င်ရန်.............

Thursday, June 21, 2012

၆ လပိုင်းဗေဒင်ဟောစာတမ်း

ဆရာမျိုးဟန်ကို - 2012, June လ အတွက် ဗေဒင် ဟောစတမ်း

၁။ တနင်္ဂနွေသားသမီးများ အတွက်

ဒီလတွင်း သင့်ရဲ့ရည်မှန်းချက်တွေ လိုအင်ဆန္ဒတွေ ပြည့်မှာမဟုတ် သေးပါဘူး။ စိတ်အလို မကျတာတွေ စိတ်တိုင်း မကျတာ တွေနဲ့ဖြစ်နေမည်။ အလုပ်ကိစ္စများ အတွက်နဲ့ စိတ်ညစ်မှုမရှိသော်လည်း စကားပြောဆိုမှုများနှင့် ပက်သက်၍ စိတ်ညစ်နေရမည်။

ဒီလအတွင်းမှာ သူတစ်ပါးအတွက်နဲ့စိတ်ညစ်နေရမည်။ ယခုလအတွင်း ငွေကြေးများ ရသလောက် ကုန်ကျမှုများနေမည်။ မစုမိသော အချိန်ဖြစ်ပါ သည်။ ဝင်သလောက် ကုန်ကျမှုများ ရှိနေပါသည်။

ခရီးယာယီကိစ္စများ သွားနေရမည်အဆင်ပြေမည်။ ပညာရေးမှာ တိုးတက် သော လမ်းစပေါ်လာမည်။ အချစ်ရေးမှာ ချစ်သူရှိသူများ စကားပြောဆို ဆင်ခြင်ပါ။ ချစ်သူနှင့်ခွဲရကိန်းရှိပါသည်။ အိမ်ထောင်ရေးမှာ စကားသာ များနေ ပေမဲ့ အခုလအတွင်း အဆင်ပြေပါသည်။

ဒီလအတွင်း ကျန်းမာရေးမှာ မျက်စိအားနည်း ၊ အကြောတက် ဖြစ်မည်။ ယတြာ = ကံကောင်းစေရန်အတွက် အိမ်ဘုရားတွင် အမွှေးတိုင် ၅ တိုင်ကို တနင်္ဂနွေနေ့နံနက် ၉ နာရီ ၄၅ မီနစ်တွင် ကပ်လှူ၍ ဆုတောင်းလိုက်ပါ။
ဒီလအတွက် အကျိုးပေးသောဂဏန်း ။ ။ 6 5 8 5

၂။ တနင်္လာ သားသမီးများ အတွက်

ယခုလအတွင်း ကံကောင်းနေသော အချိန်လေး ဖြစ်ပါသည်။ မိမိရည်ရွယ်နေသာ စိတ်ကူးများ အဆင်ပြေလာမည်။ စနစ်တကျနဲ့ လုပ်ကိုင် ဆောင်ရွှက်လိုက်ပါ။ စီးပွားရေး လုပ်ငန်းများ တိုးတက်အောင်မြင်မှု ရှိလာမည်။

စမ်တူကိစ္စများ အထက်လူကြီးတွေနဲ့ ပြုလုပ်သော ကိစ္စများတွင် ငြိုငြင်မှုခံရမည်။ သတိထားပါ။ ငွေကြေးကိစ္စများ အဆင်ပြေနေသာအချိန်လေးပါ။ ရအောင်သာ စုပေ တော့ ကူညီသူ ပေါ်မည်။

မိသားစု အိမ်တွင်းရေး ကိစ္စများ ကောင်းသော အပြောင်းအလဲ တစ်ခုခု ဖြစ်ပေါ်မည်။ ပညာရေး မှာ ကြိုးစားအားထုပ်မှု နည်းနေသော အချိန်လေး ဖြစ်ပါသည်။

ခရီးသွားမည့် ကိစ္စများ အဆင်မပြေသေးပါ။ အချစ်ရေးမှာ အဆင်ပြေနေသော ဘဝလေးသို့ ပြသာနာများ ဝင်ရောက် လာမည်။ ဒီလအတွင်း အိမ်ထောင်ရေးမှာ မိသားစု ပျော်ရွှင်နေမဲ့ အချိန်လေးပါပဲ။ ကျန်းမာရေးမှာ ခေါင်းမူး ၊ ခေါင်းကိုက် ဖြစ်မည်။

ယတြာ = တနင်္လာနေ့ နံနက်ပိုင်းတွင် သရက်သီး ၃ လုံးကို မိမိနေအိမ်ရှိ ဘုရားတွင်ကပ်လှူ၍ ကံကောင်း လာစေရန်အတွက် ဆုတောင်းလိုက်ပါ။ ဒီလအတွက် အကျိုးပေးသော ဂဏန်းများမှာ ။ ။ 2 2 2 7

၃။ အင်္ဂါသားသမီးများ အတွက်

ဒီလအတွင်း လိုရာ ဆန္ဒတွေဟာ နောက်ကျပြီး အဆင်ပြေလာမည်။ အလုပ်အကိုင် ကိစ္စများနဲ့ ပက်သက်လို့ ပုံမှန်လေး အဆင်ပြေနေမည်။ ရုတ်တစ်ရက် ဆိုသလို အလုပ်ကိစ္စနဲ့ စကားအနည်းငယ်များရမည်။ ဒီလအတွင်းမှာ အလုပ်အကိုင် ကိစ္စများ အနည်းငယ် စိတ်ညစ်နေရမည်။ သူတစ်ပါးကိစ္စများကို ကူညီဆောင်ရွှက်ပေးနေရမည်။

စီးပွားရေး ငွေကြေးကိစ္စများကတော့ ကံကောင်းနေသော အချိန်လေးပါ။ အဆင်ပြေနေမည်။ ငွေကြေးကိစ္စများနှင့် စိတ်ပျော်ရမည်။ သူတစ်ပါးအတွက်နဲ့ ရုတ်တစ်ရက် ငွေကုန်ကျမှုများ ရှိပါသည်။

ခရီးကိစ္စများ အဆင်ပြေနေမည်။ အချစ်ရေးမှာ ချစ်သူအသစ် အချစ်အသစ်ကို တွေ့ရမည်။ အိမ်ထောင်ရေး ကတော့ အဆင်ပြေပြီး စကားများနေမည်။ ယခုလကျန်းမာရေးမှာ ဗိုက်နာ ၊ ဗိုက်အောင့် ၊ ခါးနာဖြစ်မည်။

ယတြာ = အင်္ဂါနေ့ နံနက်ပိုင်းတွင် နေအိမ်ဘုရားတွင် မိမ်ိနှစ်သက်သော အဖြုရောင်ပန်း ၉ ပွင့်ကို တင်လှူ၍ ကံကောင်းလာ စေရန်အတွက် ဆုတောင်းပါ။ ဒီလအတွက် အကျိုးပေးသော ဂဏန်းများမှာ ။ ။ 2 7 4 8

၎။ ဗုဒ္ဓ္ဓဟူး သားသမီးများ အတွက်

ယခုလအတွင်း အလုပ်အကိုင်ကိစ္စများ ပုံမှန်အဆင်ပြေနေသော အချိန်လေး ဖြစ်ပါသည်။ စီးပွားမတက်သလို စီးပွားမကျသေးပါ။ ကြိုးစား၍ လုပ်ကိုင်ဆောင်ရွှက်လိုက်ပါ။ အောင်မြင်ဖို့အတွက် လမ်းစပေါ်လာမည်။ ယခုလအတွင်း အလုပ်ကိစ္စများ အတွက်နဲ့ စိတ်တိုင်းမကျသော်လည်း အနည်းငယ် အဆင်ပြေလာမည်။ စမ်တူကိစ္စများ အဆင်မပြေသေးပါ။

ငွေကြေး ကိစ္စများ အတွက်နဲ့ စိတ်ပူပင်နေရမည်။ ရသမျှကုန်နေမည်။ မစုမိသေးပါ။ ငွေဝင်နေမည်။ မိသားအတွင်းမှ ကူညီသူပေါ်မည်။ ရုတ်တစ်ရက် ငွေဝင်ပြီး ရုတ်တစ်ရက် ကုန်နေမည်။ ကြွေးတင်မည်။ သူတစ်ပါးကိစ္စများ အတွက်နဲ့ အနည်းငယ် စိတ်ညစ်ရမည်။ လုပ်ဖော်ကိုင်ဖက်များနဲ့ အဆင်မဖြစ်တတ်ပါသည်။ အိမ်မက်ကောင်း မက်လာမည်။ ထီကံစမ်းပါ။

ယခုလအတွင်း ပညာရေးကိစ္စများ ကြိုးစားနေရသော အချိန်လေးပါ။ ယခုလအတွင်း အချစ်ရေး ချစ်သူနဲ့ အဆင်မပြေပဲဖြစ်နေမည်။ စကားများနေရမည်။ ယခုလအတွင်း အိမ်ထောင်ရေး ကိစ္စများ အဆင်ပြေပါသည်
မိမိအိမ်ထောင်ဖက် ကျန်းမာရေးညံ့မည်။ ယခုလအတွင်း ကျန်းမာရေးမှာ အိပ်ရေးပျက်မည်။ စိတ်ပင်ပန်း ၊ ကိုယ်ပင်ပန်း ဖြစ်နေမည်။

ယတြာ = ကံကောင်းစေရန်အတွက် ဗုဒ္ဓ္ဓဟူးနေ့ နံနက်တွင် ဇီးသီး ၈ လုံးကို နေအိမ်ဘုရားတွင် လှူဒါန်း၍ ဆုတောင်းလိုက်ပါ။ ဒီလအတွက် အကျိုးပေးသော ဂဏန်း ။ ။ 9 1 0 5

၅။ ကြာသပတေး သားသမီးများ အတွက်

ယခုလအတွင်း အလုပ်ကိစ္စများ အဆင်ပြေပါသည်။ အတိုက်အခံများကို အောင်မြင်လာမည်။ အလုပ်အတွင်း ကောင်းသောကိစ္စများ တိုးတက်ပြောင်းလဲ လာမည်။ အဆင်ပြေလာမည်။ အလုပ်များ အဆင်ပြေလာသော်လည်း စိတ်တိုင်းမကျသေးပဲ ဖြစ်နေမည်။

ယခုလအတွင်း ငွေကြေးကိစ္စများ ကံကောင်းလာမည်။ ချေးဌားခြင်း ခဏရှောင်ပါ။ စိတ်ညစ်ရတတ်ပါသည်။ လူမှုရေး ကိစ္စများတွင် ကူညီပေးနေရမည်။ ဘာသာရေး ကိစ္စများ အလှူအတန်းကိစ္စများ ပြုလုပ်ရမည်။ ရွှေဝင်မည်။ မိသားစု အတွင်းလူဝင်လာမည်။ စနေနံကိစ္စများ အတွက် အနည်းငယ် စိတ်ညစ်နေရမည်။

ယခုလအတွင်း ပညာရေးကိစ္စများ အဆင်မပြေ ဖြစ်တတ်ပါသည်။ အချစ်ရေးမှာ ချစ်သူနဲ့ အဆင်ပြေလာမည်။ ဝေးကွာ နေရသော ချစ်သူများ ပြန်လည် ဆုံဆည်းခွင့် ရမည်။ ယခုလ အိမ်ထောင်ရေး ကိစ္စများ အဆင်ပြေနေသော်လည်း သူတစ်ပါးအတွက်နဲ့ စကားများ နေရမည်။

အခုလအတွင်း ကျန်းမာရေးမှာ စက်ပစ္စည်း ထိမိခိုက်မိ ဖြစ်မည်။ ယတြာ = ကံကောင်းစေရန်အတွက် ကြာသပတေးနေ့ နံနက်တွင် သောက်တော်ရေ ၄ ခွက် နေအိမ်ဘုရားတွင် လှူဒါန်း၍ ဆုတောင်းလိုက်ပါ။ ဒီလအတွက် အကျိုးပေးသော ကံကောင်းသော ဂဏန်းများ ။ ။ 8 2 0 7

၆။ သောကြာသားသမီးများ အတွက်

ဒီလအတွင်းမှာ ရည်ရွှယ်သော ကိစ္စများ အဆင်မပြေသေးပါ။ ယခုလအတွင်း ဟိုဟာလုပ်ရမလို ဒီဟာလုပ်ရမလိုနဲ့ အချိန်ကုန်မည်။ စိတ်နှစ်ခွ ကိုယ်နှစ်ခွ ဖြစ်နေမည်။ မိသားစု အတွင်း ကျန်းမာရေးညံ့မည်။ အထက်လူကြီးနဲ့ တိုင်ပင်၍ လုပ်ကိုင်ဆောင်ရွှက်လိုက်ပါ။

စီးပွားရေးကိစ္စတွေမှာ ကူညီသူများ ရှိနေသော်လည်း စိတ်ညစ်နေရမည်။ ငွေကြေးကိစ္စများ အဆင်ပြေပါသည်။ စုမိအောင် ကြိုးစားပါ။ ခရီးကိစ္စများ သွားလာမှုများ အဆင်ပြေပါသည်။ ပညာရေး တိုးတက်လာမည်။ ဆရာကောင်း သမားကောင်းနဲ့ တွေ့ရမည်။ အချစ်ရေးမှာ ဒုတိယ ချစ်သူနဲ့ အဆင် မပြေပါ။ စကားများနေရမည်။

အိမ်ထောင်ရေးမှာ စကားများနေပေမဲ့ အဆင်ပြေ ပါသည်။ အခုလအတွင်း ကျန်းမာရေးမှာ ထိမိခိုက်မိခြင်း ၊ သွေးအားနည်းခြင်း ဖြစ်မည်။ ယတြာ = မိမ်ိနေအိမ်ဘုရားတွင် မိမိနှစ်သက်သော မုန့် ၃ မျိုးကို စနေနေ့ သောကြာနေ့ နံနက် ၉ နာရီ ၄၅ တင်လှူ၍ ကံကောင်းလာစေရန် အတွက် ဆုတောင်းလိုက်ပါ။ ဒီလအတွက် အကျိုးပေးသော ကံကောင်းသော ဂဏန်းများ ။ ။ 3 0 4 6

၇။ စနေသားသမီးများ အတွက်

ယခုလအတွင်း ရည်မှန်းချက် ရည်ရွှယ်ချက်များကို ကြိုးစား လုပ်ဆောင်သင့်သော အချိန်လေးပါ။ အလုပ်အကိုင် ကိစ္စများနဲ့ ပက်သက်လို့ အဆင်ပြေနေသော အချိန်လေးပါ။ အထက်လူကြီးနဲ့ လုပ်ကိုင်ရာတွင် ဂရုစိုက်၍ ဆောင်ရွှက်လိုက်ပါ။ အဆင်ပြေလာမည်။

ယခုလအတွင်း ငွေကြေးကိစ္စများကတော့ အဆင်ပြေပါသည်။ စမ်တူကိစ္စများ အဆင်ပြေနေမည်။ ငွေဝင်ကိန်း ရှိနေပါသည်။ ငွေးကြေးများ စုမ်ိသော အချိန်လေးပါ။ ခရီးကိစ္စများ သွားလာမှု အဆင်ပြေနေမည်။ မိသားစုအတွင်း အလှူအတန်းများ ဘာသာရေးကိစ္စများ ပြုလုပ်ဆောင်ရွှက် ရမည်။ အချစ်ရေးမှာ အဆင်မပြေသေးပါ။

အိမ်ထောင်ရေးမှာ ပျော်ရွှင်သော နေ့ရက်လေးတွေကို ပိုင်ဆိုင်ခွင့်ရရှိနေမည်။ ယခုလ ကျန်းမာရေးမှာ သွေးအားနည်းခြင်း ၊ စိတ်ပန်းခြင်း ဖြစ်မည်။ ယတြာ = နေအိမ်ဘုရားတွင် နို့ ၅ ခွက်ကို စနေနေ့ နံနက် ၉ နာရီ ၄၅ မိနစ်တွင် တင်လှူ၍ ကံကောင်းလာစေရန်အတွက် ဆုတောင်းပါ။ ဒီလအတွက် အကျိုးပေးသောဂဏန်းများမှာ ။ ။ 5 8 7 0

Reactions:

0 comments:

Post a Comment